السلام عليكم و رحمة الله و
بركاته
و
ابتدأ موسم
السفر ,
عقب قرارات و نقاشات كثيرة في تحديد الوجهة , كل واحد جهّز الشنطة و نوى انه يسافر
.. يبقى شيء واحد لازم نركز عليه وهو نصائح التصوير أثناء السفر .
الكل يحب انه تكون له
صور تذكره بالمكان اللي كان فيه و الاجمل انه يشوف الصور و يحس بالشعور
نفسه اللي كان يعيش فيه تلك اللحظات ,عشان جي لازم تكون عندنا خبره في بعض الأمور
اللي تفيدنا في التصوير خلال السفر .. ملاحظة ( مب شرط تكون محترف بس لازم تكون مفعم بالحيوية )
نبدأ بالنصائح ..
1. قبل السفر و قبل ( شيل و حط ) ناخذ من وقتنا لو ساعة بس
ندخل على GOOGLE
و نسوي بحث .. انزين اسوي بحث ل شو ؟ اسوي
بحث عن البلد اللي بسيره لازم تكون عندنا المعلومات الكافية عن البلاد و خاصة
المناطق اللي بتكون فيها السياحة سواء اجوائها او الاماكن اللي واجب نزورها, اشياء
غريبة تتميز فيها المنطقة, محلات محلية و الخخ... .
2. عدة التصوير من الأفضل تكون
خفيفة عشان الواحد يصور بأريحية و يلتقط الصور بدون تكلف . لأنه عادةً
, عدة التصوير المبالغ فيها تأثر سلبا على المصور .. تشتت تركيزه , تتعبه في التنقل , غير هذا من الممكن أنها تتكسر أو تنخدش , ف نكتفي بالمهم و الأجود .
3. اجعل الكاميرا دائما على وضع
الاستعداد و كون متهيئ للحظات اللي تتطلب تصويرها.
4. إعدادات الصورة من وجهة
نظري لازم الواحد يتعب فيها و يغيّرها حسب مناخ المكان لأن الهدف الثاني عقب الترفيه هو
التقاط الصور ، و
شيء حلو يوم الشخص يشوف الصورة يستمتع في الوانها و جودتها.
5. إعدادات الصورة بصوب و WHITE BALANCE بصوب خليته بنقطة روحه لأنه
وايد مهم و مفيد للي يصورون بالكاميرا او الفون و راح انزل تدوينة
خاصة فيه
بشرح لكم عنه بشكل مفصل .
6. لازم يكون معاكم Tripod عشان تاخذون صور لأنفسكم (SELFI) و
أفضّل لكمOctopus
Tripod لأنه خفيف و حجمه صغير و
يتشكّل و
الميزة فيه انه تقدرون تتحكمون بالزوايا اذا تبونها من فوق او تحت او اي زاوية. و قد
تكلمنا قبل عن أهمية الزوايا و كيف تخلَّق جو للصورة ولا تنسون (REMOTE) تحسبا
للحوادث الشكلية و لجمالكم و انتم تلحقون على الصورة الجماعية لكن ما في مانع
باستخدام المؤقت.
7. MEMORY وايد مهم انه تكون مساحته كبيرة و جودته عالية
و يفضّل تأخذون MEMORY واي فاي لأنه عملي جدا و راح يفيد جماهير الأنستغرام
و غيره من برامج السوشال ميديا.
8. عشان تتفادى انكسار
العدسة او تخدش الكاميرا حطها في شنطة عملية بالتالي تحافظ عليها
و منها تكون سهلة في استخراج الكاميرا.
9. إذا كانت الوجهة لبلاد
طبيعتها خلابة و ساحرة أنصحكم ب عدسة wide angle lens بشكل
عام عدسات wide هي الأنسب لتصوير الطبيعة مثل Canon 16-35 2.8 لكن مب من الضروري أنكم تشترونها إذا ميزانيتكم
ما تسمح , كل اللي عليكم أنكم تضبطون اعدادات الصورة و فالكم طيب .
10. أجمل الصور للطبيعة تكون
عادة في وقت الشروق و الغروب ف استغلوا الموضوع بشكل حلو .
11 . أخيرا,
أحس من الضروريات أنه تكون من ضمن العدة polarizer
filter شغله جدا عجيب و ملموس .. في تكوين ألوان الصورة و بروز جماليتها .
هذه نصايح بسيطة إن شاء الله تستفيدون منها ..
لا تنسون دعاء السفر و أذكاركم
سفر موفق للجميع تروحون و تردون بالسلامة
استمتعوا
